新眼鏡

-
幾經波折，今日終於攞到新眼鏡啦！


話說舊眼鏡已經戴左成七年幾啦，凝媽於是帶我去「眼鏡88」配左副新眼鏡做禮物，多謝呀！

副新眼鏡係農曆新年之前配的，可惜，年廿七第一次攞的時候，個鏡框有少少花左，同埋左邊粒螺絲上唔埋口，開頭無發現，於是戴左一日，年廿八就攞返去維修，要等到農曆新年後先至整好。

年初九整好啦，第二次去攞新眼鏡。點知，今次個鏡框左右兩粒螺絲都上唔埋口，職員試過拆左塊鏡片再屈個鏡框，跟位都係上唔埋粒螺絲，咁好明顯係塊鏡片同個鏡框唔夾啦，又要攞返去工場再執下啦。

最後，今日終於有新眼鏡啦！



多謝凝媽的生日禮物！

留言

耳朵後面疼是怎麽回事？說…
不少媽媽隨年紀增長而出現聽力衰退，在聆聽方面遇到困難，衍生出生活上各種不便。想替媽媽排憂解難？為她預約到Heari 進行聽力測試，只需15分鐘就能知道聽力程度，60歲或以上更是費用全免。完成測試後，更可即場試戴助聽器體驗效果。Heari 藍牙助聽器採用掛頸式設計，外形與一般藍牙耳機無異，支援聽歌、聽收音機和看電視等功能，適合講求美觀與實用的媽媽。5月底前購買更尊享母親節優惠，絕對是性價比極高的禮物之選。

捷成馬電子有限公司

查詢及預約聽力測試 : 3678 2002

網址:　www.heariaudio.com

6:10 下午
耳朵後面疼是怎麽回事？說…
同媽媽表達愛意，但係媽媽年紀漸長，聽力開始衰退，可能聽唔清楚。今個母親節一於將愛心變成行動，幫媽媽預約同陪佢去Heari做聽力測試，15分鐘就可以知道聽力程度，60歲或者以上費用全免。做完测試，仲可以即場試戴助聽器，實測效果。 Heari藍牙助聽器用掛頸設計，外型同藍牙耳機差唔多，最啱愛美嘅媽媽。5月底前買仲有母親節優惠，即刻打去3678 2002 查詢同預約聽力測試，或者上 www.heariaudio.com了解多啲！
6:11 下午
發佈留言

此網誌的熱門文章

和記 100M 極速寬頻

-
圖片
本來約左師傅明日將 和記寬頻 由 10Mbps 升級去 100Mbps ，點知師傅今晚就提早一日上來裝機。 原來 和記寬頻 由 10M 轉去 100M 係唔駛重新拉線入屋，只係換個新的 Huawei VDSL Modem 就搞掂，同埋師傅係樓下要駁條光纖線，不過唔係 FTTH，唔駛半個鐘就整好啦。等我之前重好擔心，要搬開個超重電視櫃，然後俾師傅拉線入屋同整牆身插頭添。 雖然話升級左去 100M，不過用左成晚的感覺係同用 10M 無咩分別。既然感覺無分別，就用 OFTA Speed Test 來測試一下啦！ 和記 100M 極速寬頻 的速度原來只有名字的一半，不過都快過以前用 10M，數字上係真係快左。 新的 Huawei VDSL Modem 有四個 LAN 頭，重有 802.11 b/g，真係連自己買 Router 都可以慳番。不過，要用和記屋內 Wi-Fi 的話，就要上網做設定，完成後先可以用到。 3 Home Wi-Fi 家居無線上網服務設定 http://hgcwifi.threebb.com.hk/ 和記固網寬頻 Email http://webmail.threebb.com.hk/
閱讀更多

Hitachi AJ-S75MXP

-
圖片
用了八年的 日立 洗衣機在去布吉的前一天壞了，不能去水。旅行回來後，日立的洗衣機全線缺貨，想買也買不到。 等了幾天， 日立 洗衣機終於如期在7月25日船運到香港，星期六在 豐澤 買了剛運到新的洗衣機，型號 AJ-S75MXP ，有Pump高去水。 本來想買 AJ-S65MXP ，可惜依然缺貨，唯有買較大的75kg型號。 洗衣機今天送來了，師傅上門安裝要收一百蚊，慳得就慳，決定自行安裝同搬運。 安裝程序原來也很繁複，首先要瞓低部機，安裝底板。搬入廚房，接入水喉，再接去水喉。搬到原來的位置，還要調校機身水平。 大功告成。不過，真係好辛苦，一百蚊係唔慳得架！千奇唔好自己裝洗衣機呀！
閱讀更多

嘔到七彩

-
圖片
今日曉凝病左，嘔左好多次呀！重成日都肚仔痛呀！ 朝早睡醒後，作嘔左兩次。因為無食野，都無野嘔出黎。 飲早茶時，食左粥同腸粉，係酒樓全部嘔晒出黎。 即刻去睇醫生，應該係腸胃炎，有止嘔藥、腸胃藥和止疴藥。 午餐食通粉，再睡午覺，睡醒後又嘔左兩次。 晚上食粥，食左兩啖，無胃口，跟住又嘔，重係黃色添，一定係黃胆水啦！ 無辦法啦！食完藥都嘔左三次，一定要用塞肛止嘔藥，盡快止嘔。 曉凝全日食完就嘔，等於無食過野，唯有落街買盒「得力素葡萄糖粉」，沖杯葡萄糖水比曉凝飲，飲左個人就精神返少少啦。 個人認為今次腸胃炎有兩個疑兇，第一個係麥當勞（琴日食早餐），第二個係意粉屋（琴日食午餐）。總之，出街食野都係要小心啦！唔好亂食野呀！
閱讀更多