虎年初二

虎年初二
今朝，天氣寒冷，公公婆婆過來青衣飲茶，點知曉凝好肚痛，無胃口又無精神。飲茶時候，全程瞓係我身邊。

飲完茶，就一齊去大舅父屋企拜年，曉凝無咁肚痛，表姐就教曉凝玩雙子公主遊戲機。

跟住，就到曉凝屋企拜年，曉凝就同表姐一齊玩Wii Fit Plus，好好玩呀！一家大細都啱玩！


夜晚，曉凝發燒，又係無咩胃口，又發忟憎，好難應付呀。

重有，就係個廁所突然間塞左，好彩樓下間日本城有開門，即刻落去日本城買左個廁所泵，足足泵左成十幾廿分鐘，終於通番。