虎年初一

虎年初一
今日一朝早就去左公公婆婆屋企拜年同食早餐，有年糕、蘿蔔糕、馬碲糕、油角同牛肉粥，好豐富呀！


公公婆婆今年買的桃花同大桔，好靚呀！


食飽飽，就同表姐一齊玩Q版「金魚、龍蝦、膏蟹」，係用瓜子玩，好得意又好健康。


因為曉凝有咳，所以今日淨係准食兩粒糖果咋。下午，曉凝就返屋企瞓晏覺，要多休息。夜晚，等曉凝同姐姐兩個瞓左覺，就出左去稻香宵夜打邊爐。每年初一，稻香重會每人派一封利是添。