生活小小日記

妹妹今日出世了，下午十二時三十八分在廣華醫院順產出生，重2.89kg。 今日的時間 06:45　起身，準備入院 07:15　在大快活食早餐，之後搭的士去醫院 08:00　辦手續入院 09:30　開了兩度 11:14　媽媽轉往S9-11-6病房繼續觀察，爸爸在醫院附近閒逛 11:35　家姐發燒，吃退燒藥，貼退熱貼 11:52　開了三度，媽媽陣痛頻密和厲害 12:26　收到媽媽電話要到產房 12:32　媽媽在產房門口，再致電爸爸 12:36　爸爸到達產房門口，等待入產房陪產，媽媽則在內產房 12:38　妹妹用了一分鐘時間順產出世 12:40　姑娘話一齊順利，爸爸趕不及陪產了 14:00　媽媽和妹妹由產房轉往產後房 15:30　回家看看家姐，依然有燒38度 17:25　回醫院探望媽媽和妹妹

今日預產期，不過，未有動靜。

聖誕快樂！ 傳說，平安夜的晚上，聖誕老人會由抽油煙機爬進屋裏，送禮物給乖的小朋友。這是曉凝深信不疑的故事。 這是聖誕老人今晚平安夜所送的禮物。 除了聖誕老人的禮物外，曉凝今年也收到很多的聖誕禮物。 這是學校送的禮物。 這是大舅父、大舅母和表姐送的禮物。多謝！ 這是舅父仔和舅母仔送的禮物。多謝！ 這是凝媽送的禮物。 這是凝爸送的禮物。

今天，約了九時入院。一早便和凝媽到廣華醫院去，所以，沒有帶曉凝回校上課。 約九時十分到達，辦理完入院手續，就到分流站探熱，凝媽沒有發燒，護士便叫我們直接到九樓收症室入病房。可是，我們還沒有吃早餐，很肚餓呢！我便帶凝媽到附近的「九龍燒味」吃一個豐富的早餐，然後才到收症室報到。 吃飽早餐，便馬上回醫院去了。結果，收症室的姑娘問我們這麼遲，是不是急症室那邊發生了事，不讓我們上來收症室，我只好說是因為收拾隨行物品，所以遲了。 一切手續辦妥，便到尖沙咀「 0/3 baby 」買嬰兒床的 輪子 ，因為嬰兒床其中一個 輪子 不見了。一個 輪子 竟然要$30，再加一個固定膠釘又要$10，總共就要$40，很貴。不過，小小一個輪子也放在一個大紙袋中讓我拿走，服務真好。

本來今日諗住去尖沙咀睇聖誕裝飾，不過曉凝話唔想出家，所以今日又去左山坡坃執樹枝啦。足足玩左個半鐘，執完樹枝就擺pose影番張相啦。

今日同曉凝去山坡玩，一去到就話要斬柴，跟住就周圍去執樹枝，又見到好朋友同學仔，又一齊玩同幫手執樹枝，所有樹枝都擺係樹下面。何其壯觀！ 見曉凝咁鐘意斬柴，夜晚就整左把玩具斧頭俾佢玩啦。

今天又是公司一年一度的旅行日，目的地是大嶼山，主要景點有三個，就是360纜車、寶蓮寺大佛和大澳。 上午九時四十五分集合，排隊搭纜車，十一時十五分才上到纜車。 上到昂坪市集，食碗山水豆腐花。 十二時半吃齋菜，有八餸一湯，不過，味道一般，也不好吃。 莊嚴的大佛和栩栩如生的雕像。 下午二時十五分到達大澳，走了幾圈，買了蝦醬，三時四十五便回程了。 買了蘇Good介紹的「張財記」上等淡口蝦醬。

今日帶曉凝落去幼童天地玩，和幾個小朋友一起跑來跑去玩捉。 一個唔小心，我成隻左腳腳指尾踢去牆腳線，即時流血，好痛呀！除左隻襪，發現成塊腳指甲反起左，真係驚一驚，即刻整番低塊腳指甲，用力止血。見傷勢唔輕，就急急返屋企啦。 之後，凝媽就帶左我去睇生，醫生用消毒藥水幫我隻腳指尾消毒，貼左一張膠布，再開左七日抗生素、胃藥、消炎藥同止痛藥俾我，診金五百一十元元，超貴呀！ 後記： 頭一個星期真係好痛，一掂到隻腳指尾就會痛，重含濃添。凝媽就送左對Crocs鞋俾我著，即刻舒服左好多（想買對Crocs鞋好耐，不過成日都唔捨得買呢）。 第二個星期已經無咁痛，只係流少少血水，同埋左腳要輕輕力行路。

今日部 iPad 終於送到啦！係由送貨必遲的TNT送來的，雖然送遲左幾日，但係有新玩具真係好開心同興奮呀！

已經買左個保護殼俾 iPhone 4 用，係超薄的 eggshell ，只有0.75mm的厚度，真係好薄，不過感覺好脆弱。 最重要，重未買到部 iPhone 4 。萬事俱備，只欠 iPhone。

今日去左旺角先達廣場放機，就係放用左差唔多兩年的 諾基亞 N82 。 雖然，部 N82 電話好好用又無壞，不過，依家個放機價重有過千，有好價就放左部機先算啦。重可以用來補貼買  iPad  的錢，一舉兩得。 今次其實係我第一次去賣電話，都好驚俾人壓價。揀左上扶手電梯轉左的一間舖，舖裏面有一對夫婦在收 iPhone，同埋有個囡囡係舖外，睇個樣係一家人，都幾老實呀！就去問部 N82 放到幾多錢啦，檢查左十幾分鐘，部機完全無問題，搞掂！就收錢走人啦。 放機期間，發現真係好多人去放 iPhone 4 ，完來依家賣 iPhone 4 真係可以賺到錢架。

今日係出 iPhone 4 的大日子，不過我無去買 iPhone ，反而上網去 Apple Store 訂左部 iPad Wi-Fi 32GB 。 點解個個都去買 iPhone ，你就走去買 iPad 呀？ 主要原因係我鐘意大畫面，老花都可以睇得好清楚。 其次，我好少好少講電話，電話對我係無咩用的產品，簡單功能的電話已很足夠。 點解唔買 3G 版呀？可以隨時上網？因為，依家 3G 的月費太貴啦！如果，到3G唔興的時候，個月費自然就會平番，不過，到時部 iPad 都爛左啦！吓吓！ 所以，Wi-Fi 加 32GB 的組合應該最適合我。

今次親子旅行，我都無咩時間周圍睇野同買野，所以我只係有兩份收獲。就係一條相機帶同一塊保護貼啦。

今日三點鐘帶曉凝落去泳池玩水，開頭都怕水，但係見到表姐就即刻醒好多，自己攬住個水泡再用腳撐下撐下，跟住又玩水槍，玩得好開心呀！足足游到四點四十五先走。 不過，曉凝就好怕俾D水彈到塊面同隻眼，成日要抺走D水。

今日去左 奧海城 睇「史力加萬歲萬萬歲」早場，重係3D版，都係$55蚊，好抵呀！ 第一次戴立體眼鏡睇戲，原來3D電影真係好睇好多架！百老匯院線重送幅新的立體眼鏡俾你攞走添，超抵呀！ 睇完戲就出左去旺角行街同睇醫生啦。 本來約左一點鐘睇醫生，但重有十幾個人排係前面，每個五分鐘，即係最少都要等一個鐘頭啦，唯有落去行下街先，兩點鐘返就差唔多排到我地啦。

今日係學校的下學期家長日，我地約左老師十一點半鐘見面，主要係講下曉凝係學校的學習情況同各方面的評估。 老師讚曉凝返學好乖，會幫助其他小朋友，好似一個大姐姐。上堂和學習方面都很專心同樂於參與，又會遵守規則，全年表現都好好。 老師問左我地：「對曉凝係學習同成長方面有無咩特別問題呀？」我就話佢平時唔多鐘意睇書囉，淨係鐘意玩。老師就提議我地帶曉凝一齊去書局，等佢自己揀鐘意睇的書，就可以增加睇書的興趣，真係一個好辦法。 曉凝今年攞到「學習表現優異」獎，好開心呀！重開心過自己攞奬（其實我讀咁耐書都未攞過奬架）。下個星期五就係今年的感恩結業禮同頒奬的大日子啦，好期待呀！

今日去左馬灣個沙灘，玩下沙又玩下水，不過，真係好熱呀！ 今日犯左兩個錯處，第一係無帶膠枱布鋪地，第二係著住對波鞋去沙灘，真係好唔方便，下次一定要買對  Crocs  先得啦！ 玩到一點半，就搭黃巴士出去葵芳「上海婆婆」食飯，然後返屋企涼冷氣啦。

今日一早就去左沙田食飯同行街。因為無食早餐，好肚餓，一到沙田就即刻去 Pokka Cafe 食飯啦！ Pokka 最好食的鐵板牛肉，有300g，有飯，有麵鼓湯，重跟咖啡或茶，又好食又飽肚。 好好食的鐵板午餐A，有豬排、牛柳同兩條蟹柳，一樣有飯、有麵鼓湯，重跟咖啡或茶同甜品。 曉凝都係食佢最鍾意的凍烏冬同香味飯團。 食飽飽，凝媽就自己去行街街，曉凝就跟我周圍行同去玩具反斗城玩下啦。 行到三點幾鐘，就搭火車出旺角啦。出到旺角就收到表姐送的父親節咭，好開心呀！ 夜晚六點就去泉章居食飯，未開飯，兩表姐妹當然係掛住打機啦。 今晚的餸菜好大碟好豐富，食到好飽呀！