龍年年初一

今朝一早起身，幫家姐同妹妹著靚靚，就去公公婆婆屋企拜年同食早餐。今日早餐好豐富，有年糕、蘿蔔糕、皮蛋粥同牛肉粥，好好味。

食飽飽，就到派利是同影相時間，好快就影左一筒菲林。

食埋婆婆炒飯，下午兩點，就去叔公屋企拜年，妺妺開頭怕陌生，唔敢走開，不過，見到家姐同叔仔玩Lego，就跟住一齊玩啦!之後，重自己係叔公屋企走來走去。

夜晚，係「太興燒味」買左「蕃茄蛋炒蝦仁」連老火湯俾妺妺做晚餐。我地就同家姐九點鐘落「稻香」打邊爐，家姐今年係第一次參加「初一打邊爐」，所以今年收到三封「稻香」利是，好呀!

食到成十一點，家姐又可以夜瞓啦!