一月一日嘉年華

又到一年一度的屋苑嘉年華，九點鐘起身就落去大快活食早餐，跟住就即刻去一樓玩啦！

今年有幸運輪、彩虹拋銀仔、拋波仔、跳彈床、美勞攤位、幾個攤位遊戲同終極大抽奬。

家姐今日都玩得好落力，玩左好多攤位遊戲，不過，最鍾意都依然係食野。今日食左三杯啫哩糖、兩串腸仔、燒賣、半碗豆腐花同一罐雀巢檸檬茶。

妹妹今年第一次參加，都有玩下拋波攤位遊戲，幫手贏禮物。妹妹係樓下一聽到音樂聲，兩隻手仔就會跟住擺動同跳舞，好攪笑。

今年的禮物，有大奬飛行棋、原子筆、顏色筆、筆記簿、膠紙座等，重抽到A11奬品「口腔清潔水牙線」。