生活小小日記

屋企的上網由農曆新年前開始壞，會自動斷線。 今日終於整好了，原來係個 VDSL Modem 壞左，師父換左第二個就無自動斷線啦!

今日公公婆婆來拜年，首先落樓下「 稻香 」飲茶，然後上大舅父屋企，再來我地屋企，飲杯 Mocha 食粒開心果，好熱鬧！

今日初三「赤口」，無出街，決定留係屋企打邊爐。 雪櫃已經有肥牛，所以，就去左街巿買唐生菜，再去「祥發茶餐廳」買左半打水餃同半打雲呑，又去「 百佳 」買 四海魚蛋 同 四海八爪魚球 ，好豐富呀! 原來「祥發茶餐廳」的水餃同雲呑係好好食架!

今朝同表姐一家飲茶，再上表姐屋企拜年，表姐有個 Angry Bird 玩具，妹妹一聽到音樂聲，就做出苦瓜乾表情，好攪笑呀! 跟住，表姐就來我們屋企拜年，一齊玩  Wii Fit Plus，好開心呀!

今朝一早起身，幫家姐同妹妹著靚靚，就去公公婆婆屋企拜年同食早餐。今日早餐好豐富，有年糕、蘿蔔糕、皮蛋粥同牛肉粥，好好味。 食飽飽，就到派利是同影相時間，好快就影左一筒菲林。 食埋婆婆炒飯，下午兩點，就去叔公屋企拜年，妺妺開頭怕陌生，唔敢走開，不過，見到家姐同叔仔玩Lego，就跟住一齊玩啦!之後，重自己係叔公屋企走來走去。 夜晚，係「 太興燒味 」買左「蕃茄蛋炒蝦仁」連老火湯俾妺妺做晚餐。我地就同家姐九點鐘落「稻香」打邊爐，家姐今年係第一次參加「初一打邊爐」，所以今年收到三封「 稻香 」利是，好呀! 食到成十一點，家姐又可以夜瞓啦!

派壓歲錢，家姐同妹妹都好開心。 妹妹乖乖飲奶瞓覺豬。 家姐就食湯丸，重有睇電視，迎接農曆新年。

今日部 MacBook Air 13吋終於送來了，真係好薄又好靚呀！重有大特價平$770，抵呀！ 盒內有一部 MacBook Air 、45W MagSafe 電源轉換器、AC 牆壁插座用插頭和電源線。 MagSafe 電源埠 、耳機插口、全向麥克風、Thunderbolt 連接埠、SD 卡插糟、2 個 USB 2.0 連接埠 (速度高達 480 Mbps)。 Unibody 一體式設計，就是美，就是耐用。 技術規格 13.3 吋 (對角線) 16:10 高解像度 LED 背光鏡面寬屏幕顯示器 128GB 快閃儲存 雙核心 1.7GHz Intel Core i5 內置 3MB 共享 L3 快取記憶體 主機板內置 4GB 容量 1333MHz DDR3 記憶體 Intel HD Graphics 3000 圖像處理器與主記憶體共享的 384MB DDR3 SDRAM 802.11n Wi-Fi 無線網絡；IEEE 802.11a/b/g 兼容 Bluetooth 4.0 無線技術 立體聲揚聲器 高度： 0.3-1.7 厘米（0.11-0.68 吋） 寬度： 32.5 厘米（12.8 吋） 深度： 22.7 厘米（8.94 吋） 重量： 1.35 公斤（2.96 磅） OS X Lion 包含 Mail、通訊錄、iCal、Mac App Store、iTunes、Safari、Time Machine、FaceTime、Photo Booth、Mission Control、Launchpad、AirDrop、恢復功能、自動儲存、版本功能、Quick Look、Spotlight 及 QuickTime 等。 Lion 修復功能 OS X Lion 在 Recovery HD 內置了一套維修你的 Mac 的工具，這全新的功能讓你可以無需實體的 CD 來維修硬碟及重新安裝 OS X Lion。 iLife 包含 iPhoto、iMovie 及 GarageBand。

妹妹半夜發燒，吃了退燒藥，貼了退熱貼，媽媽抱在懷裏睡覺。 早上起床，已退燒了，沒有去看醫生。可是，妹妹下午時又再發燒了，只好再吃了退燒藥，明天再看醫生。

又到一年一度的屋苑嘉年華，九點鐘起身就落去 大快活 食早餐，跟住就即刻去一樓玩啦！ 今年有 幸運輪 、 彩虹 拋銀仔 、拋波仔 、 跳彈床、美勞攤位 、 幾個攤位遊戲 同終極大抽奬。 家姐今日都玩得好落力，玩左好多攤位遊戲，不過，最鍾意都依然係食野。今日食左三杯啫哩糖、兩串腸仔、燒賣、半碗豆腐花同一罐雀巢檸檬茶。 妹妹今年第一次參加，都有玩下拋波攤位遊戲，幫手贏禮物。妹妹係樓下一聽到音樂聲，兩隻手仔就會跟住擺動同跳舞，好攪笑。 今年的禮物，有大奬飛行棋、原子筆、顏色筆、筆記簿、膠紙座等，重抽到A11奬品「口腔清潔水牙線」。