小一派位

好緊張，今日係小一派位的大日子，一早就去左派位中心對面的茶餐廳食早餐，九點半就馬上行過去派位中心。

派位中心已經有好多人，我們攞到125號籌，真係一路等一路手震。

終於一行一行坐到最前一排，準備攞派位結果，心情好緊張，見到小學校名的一刻，個心真係跳左出來，好好彩呀！係第一志願呀！曉媽開心到喊，要用紙巾抺眼淚，馬上打電話俾家姐，家姐都好開心，可以同幾個好同學仔一齊返同一間小學。