生活小小日記

今天經過 UNIQLO ，看到買東西會有免費的禮物包裝（平時是要付錢的），就和五個心魔「霸佔」、「浪費」、「貪心」、「慾望」、「節儉」一起商議，經過一輪激烈的爭議，最後決定買了這條特價的皮帶，還真的有免費的禮物包裝啊！ 禮物包裝其實就是一個純白色的紙袋啦！ 妹妹做咩呢？ 家姐突然會同妹妹影相，個姿勢好好笑呢！

好開心呀！今日收到家姐送的父親節禮物，是非常實用的指甲拑啊！

家姐的深水埗五十蚊涼鞋已經爛過很多次，用超能膠也不能再修補了，所以，今天在荃灣吉之島買了一對新的涼鞋來穿。  

光陰似箭，日月如梭。今日是天主教幼稚園聯校畢業禮，家姐已經幼稚園畢業了。畢業禮在下午三時三十分在荃灣大會堂舉行，有很多人，場面很熱鬧。 家姐今年得到「品德奬」，可以上台領奬，還有奬杯呢！ 家姐在表演中扮演一隻小鳥，好美麗啊！

家姐隻左門牙鬆左幾個星期，隻恆齒係後面都出左九成（重疊牙），都重未脫落。 今晩，想預約牙醫的時候，今晚剛好有空檔，快快吃飽飯，八點半就帶家姐去青怡花園的高碧琪牙醫睇牙，等到九點，高醫生就幫家姐隻拔走隻乳齒啦，重送左一個藍色小汔球給家姐，家姐回家就馬上吃了一杯雪糕。

好緊張，今日係小一派位的大日子，一早就去左派位中心對面的茶餐廳食早餐，九點半就馬上行過去派位中心。 派位中心已經有好多人，我們攞到125號籌，真係一路等一路手震。 終於一行一行坐到最前一排，準備攞派位結果，心情好緊張，見到小學校名的一刻，個心真係跳左出來，好好彩呀！係第一志願呀！曉媽開心到喊，要用紙巾抺眼淚，馬上打電話俾家姐，家姐都好開心，可以同幾個好同學仔一齊返同一間小學。