回鄉喜宴
已經二十幾年無返鄉下啦，鄉下個樣係點都唔記得啦。今次係因為二弟要結婚，所以應承左阿公（即係我爺爺）返去飲喜酒。目的地係「斗門鎮」的「舊赤水坑村」，係邊度呢？我都唔係好知，睇下下面幅地圖先啦。就係綠色箭咀指住的地方。
本來諗住星期六婚宴當日先返去，不過，我就要自己一個人晨早八點鐘係澳門搭車去「拱北」，再搵人係「拱北關閘」接我。要八點鐘到澳門，咁即係要七點鐘船啦，又即係零晨五點半鐘一定要起身出發啦，好早呀！無可能啦！再加上我廿幾年都無去過「拱北」，點識路去呀！所以，就唯有早一日跟阿叔一家一齊返去啦。
一月二十二日（星期五）
下午兩點半，曉凝瞓晏覺，我就出發啦。
下午四點半，係上環信德中心搭超級噴射船去澳門，個人覺得都係普通噴射船較為穩定同唔怕暈船浪。
下午五點半，到達澳門連過關，都算快。跟住，就去左維景酒店（即係以前的京澳酒店）放底行李，休息一陣，就出去食晚飯啦。
由維景酒店行到去議事廳前地，無睇錯，係行架，係用腳行架，完全無搭車架。係議事廳前地附近行左幾個圈揀野食，最後揀左「煥記」食飯，即係好出名的「陶陶居」隔離。
食飽飯，當做下運動，又係周圍行，行左去新葡京、永利、MGM同星際，周圍影下相，真係行到攰啦，再行返去維景酒店，無睇錯，係行架，係用腳行架，完全無搭車架。
夜晚十一點，再落街買左一碗水蟹粥同一碗魚片粥返去做宵夜，食飽飽就即刻瞓覺啦，因為聽日要好早起身。
一月二十三日（星期六）
朝早七點半起身，落街食早餐，食左一個沙嗲牛肉蛋出前一丁，都幾唔好食。退房後，由酒店直接搭的士去關閘，要30蚊。
早上九點五十分，順利過關，本來諗住搭609路公共汔車返去「井岸」，不過要成兩個鐘頭車程，最後都係搭的士由拱北」到「井岸」，不打錶（打錶要成120蚊人民幣），議價後100蚊人民幣。今次真係搭正一架瘋狂的士，我坐車頭司機隔離，架的士逄車過車，不論係貨車、公車、私家車或者任何有轆的車，一律要扒頭，左穿右插，驚險萬分，原本要兩個鐘頭的車程，依家半個鐘就到左「井岸」啦。
早上十點半，終於安全到達阿公屋企，今次係第一次去阿公屋企，阿公住係一樓，上落都要行樓梯，都幾唔方便。不過，環境都算清憂寧靜。會合阿公後，就一齊搭609路公車返去「舊赤水坑村」。
中午十二點回到「舊赤水坑村」，農村地方真係好大風，今日重天陰，又有微雨，好凍呀！行多十分鐘路，就到左二弟買地新起的村屋，已經有好多親友到左。首先係阿公飲茶，跟住係阿爸同阿媽同一班長輩。最後，連我都有份，總共飲左四杯蓮子茶，送左一對金介指同利是，祝他們「百年好合，永結同心！」
下午一點，無跟大隊去酒家食飯，也無留在村屋中食飯，係跟阿叔一家到村外的「超記農莊」食午飯。叫左一碟炒介蘭、燜鵝煲同一隻咸香雞，咸香雞好好味，原來走地雞真係好食好多，雞有雞味！雞肉就有雞肉味架！
食飽飯先至係兩點，重未夠鐘去「御溫泉」，就陪阿公係村裏面周圍行下，睇下祖屋，不過依家已經放租俾人，所以無得入去參觀。
祖屋隔離有一間黃泥屋，這間快將倒塌的黃泥屋就係我出世的地方，點解叫黃泥屋？因為以前太窮，所以淨係用黃泥再加一包英泥去起這間屋，無得用磚囉。
下午五點就出發去「御溫泉」，二十分鐘車程就到啦。「御溫泉」環境都幾靚，好有特式，係渡假的好地方。今晚總共有大約四十圍，重有一個專業司儀，未開始之前重會唱歌俾賓客聽添。
晚上七點十，一對新人進場、切蛋糕、點心型蠋蠟同開香檳，跟住就係一對新人分享心聲，聽到阿爸同阿媽兩個眼濕濕一齊喊，好感人呀！
晚上七點半準時開席，首先係乳豬，跟住所有菜式都係一次過上曬，擺滿成枱，唔同香港咁一蹀一蹀上。食左幾碟餸，就到左敬酒時間，敬完酒，差不多八點半，賓客已經開始離開，即刻變左送客時間。平時係香港，無九點都未有得食啦！
晚上九點，賓客都走得七七八八，就返去繼續食野啦。食番頭先完全無時間食過的菜式，重有甜品同生果盤。食飽飽就搭表叔車返去「井岸，今晚就係阿公屋企瞓覺啦。
一月二十四日（星期日）
早上八點十五分，同阿公落去樓下食早餐，數下手指，好似都有成十幾年無同阿公一齊食過早餐啦。真係人生有幾多個十年呢。我叫左一個套餐，一碗皮蛋肉鬆粥加叉燒腸粉，5蚊人民幣，阿公就叫左一碗肉丸粥，5.5人民幣。皮蛋肉鬆粥幾好味，叉燒腸粉就不予置評啦。
早上九點半，阿爸帶我一齊搭609號公車由井岸去拱北，上車買票每人6蚊人民幣，約十一點半到達「拱北關閘」。原來係公車上面，賣票員係會叫人讓坐俾小朋友同老人家架，都幾文明喎。
搭3號巴士去到碼頭，坐下午一點半開的三體船返香港，終於完成左三日兩夜的回鄉喜宴之旅。
本來諗住星期六婚宴當日先返去，不過，我就要自己一個人晨早八點鐘係澳門搭車去「拱北」，再搵人係「拱北關閘」接我。要八點鐘到澳門，咁即係要七點鐘船啦，又即係零晨五點半鐘一定要起身出發啦，好早呀！無可能啦！再加上我廿幾年都無去過「拱北」，點識路去呀！所以，就唯有早一日跟阿叔一家一齊返去啦。
一月二十二日（星期五）
下午兩點半，曉凝瞓晏覺，我就出發啦。
下午四點半，係上環信德中心搭超級噴射船去澳門，個人覺得都係普通噴射船較為穩定同唔怕暈船浪。
下午五點半，到達澳門連過關，都算快。跟住，就去左維景酒店（即係以前的京澳酒店）放底行李，休息一陣，就出去食晚飯啦。
由維景酒店行到去議事廳前地，無睇錯，係行架，係用腳行架，完全無搭車架。係議事廳前地附近行左幾個圈揀野食，最後揀左「煥記」食飯，即係好出名的「陶陶居」隔離。
食飽飯，當做下運動，又係周圍行，行左去新葡京、永利、MGM同星際，周圍影下相，真係行到攰啦，再行返去維景酒店，無睇錯，係行架，係用腳行架，完全無搭車架。
夜晚十一點，再落街買左一碗水蟹粥同一碗魚片粥返去做宵夜，食飽飽就即刻瞓覺啦，因為聽日要好早起身。
一月二十三日（星期六）
朝早七點半起身，落街食早餐，食左一個沙嗲牛肉蛋出前一丁，都幾唔好食。退房後，由酒店直接搭的士去關閘，要30蚊。
早上九點五十分，順利過關，本來諗住搭609路公共汔車返去「井岸」，不過要成兩個鐘頭車程，最後都係搭的士由拱北」到「井岸」，不打錶（打錶要成120蚊人民幣），議價後100蚊人民幣。今次真係搭正一架瘋狂的士，我坐車頭司機隔離，架的士逄車過車，不論係貨車、公車、私家車或者任何有轆的車，一律要扒頭，左穿右插，驚險萬分，原本要兩個鐘頭的車程，依家半個鐘就到左「井岸」啦。
早上十點半，終於安全到達阿公屋企，今次係第一次去阿公屋企，阿公住係一樓，上落都要行樓梯，都幾唔方便。不過，環境都算清憂寧靜。會合阿公後，就一齊搭609路公車返去「舊赤水坑村」。
中午十二點回到「舊赤水坑村」，農村地方真係好大風，今日重天陰，又有微雨，好凍呀！行多十分鐘路，就到左二弟買地新起的村屋，已經有好多親友到左。首先係阿公飲茶，跟住係阿爸同阿媽同一班長輩。最後，連我都有份，總共飲左四杯蓮子茶，送左一對金介指同利是，祝他們「百年好合，永結同心！」
下午一點，無跟大隊去酒家食飯，也無留在村屋中食飯，係跟阿叔一家到村外的「超記農莊」食午飯。叫左一碟炒介蘭、燜鵝煲同一隻咸香雞，咸香雞好好味，原來走地雞真係好食好多，雞有雞味！雞肉就有雞肉味架！
食飽飯先至係兩點，重未夠鐘去「御溫泉」，就陪阿公係村裏面周圍行下，睇下祖屋，不過依家已經放租俾人，所以無得入去參觀。
祖屋隔離有一間黃泥屋，這間快將倒塌的黃泥屋就係我出世的地方，點解叫黃泥屋？因為以前太窮，所以淨係用黃泥再加一包英泥去起這間屋，無得用磚囉。
下午五點就出發去「御溫泉」，二十分鐘車程就到啦。「御溫泉」環境都幾靚，好有特式，係渡假的好地方。今晚總共有大約四十圍，重有一個專業司儀，未開始之前重會唱歌俾賓客聽添。
晚上七點十，一對新人進場、切蛋糕、點心型蠋蠟同開香檳，跟住就係一對新人分享心聲，聽到阿爸同阿媽兩個眼濕濕一齊喊，好感人呀！
晚上七點半準時開席，首先係乳豬，跟住所有菜式都係一次過上曬，擺滿成枱，唔同香港咁一蹀一蹀上。食左幾碟餸，就到左敬酒時間，敬完酒，差不多八點半，賓客已經開始離開，即刻變左送客時間。平時係香港，無九點都未有得食啦！
晚上九點，賓客都走得七七八八，就返去繼續食野啦。食番頭先完全無時間食過的菜式，重有甜品同生果盤。食飽飽就搭表叔車返去「井岸，今晚就係阿公屋企瞓覺啦。
一月二十四日（星期日）
早上八點十五分，同阿公落去樓下食早餐，數下手指，好似都有成十幾年無同阿公一齊食過早餐啦。真係人生有幾多個十年呢。我叫左一個套餐，一碗皮蛋肉鬆粥加叉燒腸粉，5蚊人民幣，阿公就叫左一碗肉丸粥，5.5人民幣。皮蛋肉鬆粥幾好味，叉燒腸粉就不予置評啦。
早上九點半，阿爸帶我一齊搭609號公車由井岸去拱北，上車買票每人6蚊人民幣，約十一點半到達「拱北關閘」。原來係公車上面，賣票員係會叫人讓坐俾小朋友同老人家架，都幾文明喎。
搭3號巴士去到碼頭，坐下午一點半開的三體船返香港，終於完成左三日兩夜的回鄉喜宴之旅。
留言