聖誕聯歡會

今日係學校聖誕聯歡會，曉凝準時八點半就返左學校化妝，準備九點半開始的聯歡會。時間尚早，凝爸就去食個豐富早餐先，跟住就去聯歡會啦。


曉凝同自己一班同學仔表演唱歌同跳舞，就係「齊到各地報佳音」，成班K1的小朋友都跳得好落力同好整齊，好好睇呀！睇得出係經過長時間同專人訓練，老師真係好犀利呀！


曉凝化左妝，好得意呀！



聯歡會表演完畢後，就去左玩攤位遊戲。曉凝一共玩左四個遊戲，擲豆袋、拋波、砌圖同找圖遊戲，贏左好多禮物，重搵左小丑叔叔扭左兩個汔球手鍊添。