幼稚園生日會

休息左兩日，曉凝好番好多，已經無嘔，不過亦都瘦左好多啦。好番晒，今日可以返學校開生日會啦。


今朝一早七點半，曉凝已經起左身，重話要即刻返學校開生日會添，重叫姐姐快些幫佢換衫，曉凝真係好鐘意返學。

曉凝話今日係學校食左蛋糕同「雞鳥」，到底咩係「雞鳥」呢？除此之外，重飲左一包利賓納。

雖然今次唔係曉凝的生日會，但係學校都送左一條毛巾仔同一個奶樽型匙扣俾其他小朋友，好實用呀！


重有一個生日會專用限定手挽袋，幾得意架！原來依家返學校除左帶個書包外，開生日會就要用呢個生日會專用袋。