發燒

凝女的流鼻水和咳咳已經成三個星期，由上個月十四日開始病，睇醫生都睇左七次啦！食藥就食左半個月有多，都重未好呀！

所以，今日請假帶凝女去尖沙咀睇兒科醫生，預約了十時四十分，準時到達。首先，護士例行地幫凝女探熱，點知成38.4度，發燒添！之前都無燒架？

凝女不斷叫：「走呀！走呀！」，用盡辦法，好不容易，等左一個鍾頭，終於輪到凝女看醫生。

經診症後，醫生認為凝女有鼻敏感和氣管敏感，先開了五日藥（含抗生素）來治療發燒、咳和鼻涕，再開了十日的善古寧來舒緩氣管敏感的症狀。

希望凝女快些好番，不用再覆診了！