上學去

「第一天 」
凝媽陪著凝女上堂，玩玩遊戲，唱唱歌，吃吃點心，一個鐘便放學了。表姐都來接凝女放學，好開心呢！


「第二天 」
凝媽陪著凝女上堂，輕輕鬆鬆，一個鐘就放學啦。

「第三天 」
凝媽陪著凝女上堂，在放學前五分鐘，老師要凝媽走開，可惜被凝女發現，立即喊住要媽媽。

「第四天 」
凝女今日要自己返學，無人陪住入學校，入去的時候無喊。結果，凝女放學先來喊，在校內反而沒事，可能凝女在校內得自己一個，不知所措，所以放學後見到凝媽先夠膽喊出來。

「第五天 」
凝女一入學校門口就開始喊，喊左成個鐘，一直喊到放學呀！好淒涼呢！

希望凝女可以快些習慣學校的生活，開開心心的上學去。

題外話，學校都有得食的牛油方包，凝女係屋企都一樣咁鐘意食，重要對摺左塊方包先食，哈哈！