廁所漏水

話說個馬桶成日漏水，跟住就自動再入水，如事者，不斷重複，好大聲好嘈呀！足足漏左成兩個星期，開頭漏少少，跟住越漏越快，嘈住凝女夜晚瞓覺，今日終於搵左樓下個水喉師傅上來整好佢。

師傅一望就知係個注水閥（即係沖水去馬桶個裝置）壞左，搞到成日漏水，師傅就換左個新注水閥Kimsion C-5092A落去。原來換注水閥係好大工程，要成個水箱拆出來，才可以安裝，又重又大，又拆又裝都幾麻煩，自己換一定換唔到。


至於個進水閥（即係入水去水箱個裝置），師傅又換左個新Fluidmaster 400UK073落去，其實之前個Fluidmaster 200都未壞，不過，師傅話既然換開，就最好一次過換，唔駛煩，唔駛分兩次整。好啦！信你啦！


最後，師傅整左一個鐘頭搞掂，連工包料，總數$450。

有興趣可以參考 HowStuffWorks "How to Repair a Toilet"。