五一迪士尼

今日，一上到東涌線地鐵已見到成車都係人，重有好多小朋友，心知大家都係去迪士尼玩，無辦法啦，幾多人都照去啦！

到達樂園，第一件事當然是到「市鎮會堂」拿貼紙，凝女立刻把貼紙貼在身上。


迪士尼樂園真係人山人海，平時排幾分鐘的灰姑娘木馬、小飛象同咖啡杯等，都要排多約三倍時間。好辛苦呀！要抱住凝女多三倍時間呢。


小小世界就真係多人到排到出門口，完全無諗過去玩，唔想去挑戰自己的耐性極限，係門口影左兩幅相就走左啦。



連歌舞青春都多左好多人睇，不過凝女鐘意睇，幾多人都照睇啦！



去左「廣場餐廳」食午餐，幾好食，似酒樓。不過，最緊要係環境舒適，有冷氣，可以俾凝女乖乖瞓晏覺。



瞓醒晏覺，剛好睇到花車巡遊，再玩多一陣，睇完第三場「歌舞青春」，就去「大街餐廳」食晚飯，食左一個熱狗餐同一個兒童餐，晚上七時便回家去了。