豬 B 病了
豬 B 昨晚零晨兩點半鐘突然發燒, 好唔舒服, 喊左好耐, 肛探有103度, 好熱呀, 即刻飲退燒藥水, 體溫開始回落. 好擔心, 每隔半個鐘頭就幫豬 B 探熱. 到早上六時半, 藥力過後, 又再燒, 肛探有102度. 八時四十五分, 到樓下睇醫生, 原來豬 B 喉龍發炎, 又發燒. 豬 B 要飲三支藥水, 一支退燒 (pink), 一支消炎 (red), 一支感冒/消腫 (yellow). 見到豬 B 病得咁辛苦, 媽媽唯有請假悉心照顧豬 B 啦.
和記 100M 極速寬頻
本來約左師傅明日將 和記寬頻 由 10Mbps 升級去 100Mbps ，點知師傅今晚就提早一日上來裝機。 原來 和記寬頻 由 10M 轉去 100M 係唔駛重新拉線入屋，只係換個新的 Huawei VDSL Modem 就搞掂，同埋師傅係樓下要駁條光纖線，不過唔係 FTTH，唔駛半個鐘就整好啦。等我之前重好擔心，要搬開個超重電視櫃，然後俾師傅拉線入屋同整牆身插頭添。 雖然話升級左去 100M，不過用左成晚的感覺係同用 10M 無咩分別。既然感覺無分別，就用 OFTA Speed Test 來測試一下啦！ 和記 100M 極速寬頻 的速度原來只有名字的一半，不過都快過以前用 10M，數字上係真係快左。 新的 Huawei VDSL Modem 有四個 LAN 頭，重有 802.11 b/g，真係連自己買 Router 都可以慳番。不過，要用和記屋內 Wi-Fi 的話，就要上網做設定，完成後先可以用到。 3 Home Wi-Fi 家居無線上網服務設定 http://hgcwifi.threebb.com.hk/ 和記固網寬頻 Email http://webmail.threebb.com.hk/
留言