築地玉壽司

-
次次去新宿都會食築地玉壽司, 材料夠新鮮, 地方又就腳(時代廣場樓上, 又可以行Tokyu Hands), 再加上3500 yen 任食, 真係抵
http://www.tamasushi.co.jp/





留言

發佈留言

此網誌的熱門文章

和記 100M 極速寬頻

-
圖片
本來約左師傅明日將 和記寬頻 由 10Mbps 升級去 100Mbps ，點知師傅今晚就提早一日上來裝機。 原來 和記寬頻 由 10M 轉去 100M 係唔駛重新拉線入屋，只係換個新的 Huawei VDSL Modem 就搞掂，同埋師傅係樓下要駁條光纖線，不過唔係 FTTH，唔駛半個鐘就整好啦。等我之前重好擔心，要搬開個超重電視櫃，然後俾師傅拉線入屋同整牆身插頭添。 雖然話升級左去 100M，不過用左成晚的感覺係同用 10M 無咩分別。既然感覺無分別，就用 OFTA Speed Test 來測試一下啦！ 和記 100M 極速寬頻 的速度原來只有名字的一半，不過都快過以前用 10M，數字上係真係快左。 新的 Huawei VDSL Modem 有四個 LAN 頭，重有 802.11 b/g，真係連自己買 Router 都可以慳番。不過，要用和記屋內 Wi-Fi 的話，就要上網做設定，完成後先可以用到。 3 Home Wi-Fi 家居無線上網服務設定 http://hgcwifi.threebb.com.hk/ 和記固網寬頻 Email http://webmail.threebb.com.hk/
閱讀更多

機頂盒

-
圖片
你高清左未呀？ 我高清左啦！ 大廈的天線升級工程已於六月十一日完成，可以收看高清電視節目了，不過現在只有三個台，分別是高清翡翠台、互動台（標清）和J2台（標清）。 所謂「早買早享受，遲買多折扣。」當然是選擇「享受」先啦！ 市面上有很多機頂盒，花多眼亂，除Sony外，其他的牌子根本從來沒有聽過。在 OFTA 和各大討論區搜集資料，好像最多人討論的是 Eight 的機頂盒，有預校錄影功能，可加外置硬碟。 最後，選定了 Eight 的 HD838 升級版機頂盒，決定機款後，立即提交議案並通過財務委員會，完成程序後，便立刻衝到鴨寮街的「集安系統」（Eight的經銷商）買機，一買就買左三盒啦！多買多享受呀！ 另外兩盒當然是幫人買啦！ Eight HD838 每部$1550，跟機送HDMI線一條。 箱內有機頂盒、遙控器、AV線、保養証和說明書。 有 OFTA 的「升級版接收器」貼紙。 機面有七個按鍵，分別是待機（Stand By）、選單（Menu）、確定（OK）、轉台（CH）和大細聲（Vol），還有一個橙色字的小顯示版。 機背有HDMI、色差、S-Video、聲音輸出、USB、串聯埠、天線輸入和天線輸出。 安裝方法很簡單，首先，把天線先接到錄影機（如有），再把天線接到機頂盒，在機頂盒用HDMI接到電視機。如果想用錄影機來錄影高清節目的話，可以在機頂盒用色差或S-Video接到錄影機的輸入，這樣便可以用錄影機來錄製所有的節目了，不過，錄影後的節目畫質會較差。 高清翡翠台果然很清，畫面很細緻，一流呀！ 整體很滿意，可惜，機頂盒經HDMI接到電視後，聲音比原本的小，要把電視的聲音調高兩格，才和以往差不多。
閱讀更多

踩單車

-
圖片
今日同公公婆婆係尖沙咀飲完茶，就同表姐一家去左西九海濱長廊踩單車。 係中港城外邊搭77M小巴去海濱長廊，因為無位，我地上車先，表姐一家就搭左下一架小巴，點知我地架小巴無停海濱長廊個站，直去九龍站，唯有自己行番轉頭去海濱長廊，真係行左一段寃枉路。 曉凝以為表姐唔等佢踩單車，重喊添，唯有抱起曉凝，行快兩步去搵表姐啦。見番表姐，曉凝即刻開心番晒。曉凝揀左一架米妮老鼠小單車，開頭踩得唔係好順，再踩多左一陣，就踩得幾好同好順啦。 曉凝足足踩左一個鐘頭單車，好晒利呀！問佢攰唔攰，曉凝竟然話踩單車唔攰，好神奇呀！ 踩完單車已經三點，再跟表姐同表姐表姐玩多一陣已經四點啦，玩左咁耐，曉凝真係好攰，一上到地鐵就瞓著左啦。 小童單車每小時$25 大人單車每小時$30
閱讀更多