生活小小日記

用了八年的 日立 洗衣機在去布吉的前一天壞了，不能去水。旅行回來後，日立的洗衣機全線缺貨，想買也買不到。 等了幾天， 日立 洗衣機終於如期在7月25日船運到香港，星期六在 豐澤 買了剛運到新的洗衣機，型號 AJ-S75MXP ，有Pump高去水。 本來想買 AJ-S65MXP ，可惜依然缺貨，唯有買較大的75kg型號。 洗衣機今天送來了，師傅上門安裝要收一百蚊，慳得就慳，決定自行安裝同搬運。 安裝程序原來也很繁複，首先要瞓低部機，安裝底板。搬入廚房，接入水喉，再接去水喉。搬到原來的位置，還要調校機身水平。 大功告成。不過，真係好辛苦，一百蚊係唔慳得架！千奇唔好自己裝洗衣機呀！

家姐今日開始學用廣告彩，這是她第一幅用廣告彩畫的畫。

今日參加了屋苑舉辦的參觀青衣消防局活動，家姐看得很用心，可惜天氣太熱，看完便馬上回家涼冷氣了。

今日，去了 富豪機場酒店 食自助午餐，有壽司（三文魚、加州卷、北寄貝、鰻魚等）、煮麵（魚蛋、牛丸、墨魚丸、蟹柳等）、細細碗海南雞飯、串燒、兩款薄餅，還有多款中式、泰式和西式美食，都幾好味。不過，就無魚生，有些可惜。雖然如此，最重要的是有 Movenpick 雪糕和多種甜品，彌補不足。優惠價錢每位$120，也算是物有所值。

阿妹今日去廁所疴 Wee Wee 成功，好叻呀！ 成功的關鍵係事前要介紹和教導阿妹怎樣去廁所，足足提左一個月，既用書「寶寶的生活﹣我會上廁所」，又帶阿妹去廁所練習，都未成功。跟住，今日下定決心，破釜沉舟，阿妹開始唔著任何尿片同底褲仔，疴濕左就換衫，換幾多次衫都無所謂，結果就成功左啦！