生活小小日記

今日無放假，放工更係即刻衝返屋企食飯慶祝啦！

家姐上星期四開始發燒，又喉嚨痛，已經睇左兩次醫生，今朝起身都重有燒，返唔到學。 妹妹琴晚亦發燒，重有幾聲咳，瞓到半夜都喊。連妹妹都中招，今年的流感真係嚴重。

話說部 Level One 802.11g 路由器已經用左成五年，所以都係時候換部新的。剛好這部 D-Link DIR-655 做特價，平成70蚊咁多，就買左啦！

今晚青衣碼頭有攤位遊戲，有老歌、猜燈謎、抽獎、整公仔、棉花糖同龍鬚糖。 不過，真係好多人，棉花糖都要排成個鐘，我就抱住妹妹排隊，家姐就去猜燈謎，贏左好多膠水同細螢光筆。 等到表姐來到，再玩多一陣，就返屋企啦。

十二點，妹妹飮完奶，就出發去大埔林村許願。 大埔林村真係一個好遠的地方，首先，要搭 49X 巴士去沙田，再搭火車去大埔墟站，跟住又搭 64K 巴士，在「放馬莆」落車，終於到達林村許願樹。 今日都好多人，係林村門口影張相，跟住就入去買寶牒，個寶牒都幾得意。 家姐將願望寫在寶牒上。 家姐好努力拋寶牒，但係唔夠力，最後由曉媽出馬，成功將寶牒拋上去許願樹。 跟住，去左食碗仔趐同豆腐花，睇埋新年花車就走啦。去到沙田已經五點有多，食個海南雞飯，然後就返屋企啦!

昨晚春茗，抽奬得到了這部新款的 Sony Tablet S (16GB Wifi)，還有一張保護貼。 打開盒子，裏面有一張簡單的使用手冊。 使用手冊下面是一個透明膠袋子包著 Sony Tablet S。 拿起 Sony Tablet S，再打開蓋子，就會找到火牛和電源線。 盒子內就只有 Sony Tablet S (16GB Wifi)、火牛、電源線和一條繩子，這麼簡單。 SGPT111HK/S (Wifi) HK$3,888 16GB NVIDIA® Tegra™ 2 雙核心處理器 (ARM® Cortex™-A9 CPU 1 GHz) Android™ 3.2 (Honeycomb) 作業系統 9.4吋TFT輕觸式顯示屏(IPS, WXGA: 1280 x 800) 網絡視像鏡頭 (解像度: 640 x 480, 有效像素: 0.3 百萬像素) "Exmor for mobile"高清鏡頭(解像度: 2592 x 1944, 有效像素: 5百萬像素) 備註：1 GB 代表 1,073,741,824 bytes的硬碟容量。