生活小小日記

美心西餅 的 Halloween 啫喱杯，個樣好靚，南瓜頭杯重可以留番做影相道具，好實用呢。味道都幾好，不過就貴左少少啦，要成 $16 蚊一杯。 妹妹見到個 Halloween 啫喱杯，唔食得都要摸一下。

第一次去「 香港美酒佳餚巡禮 」，唔係為飲酒，而係為左食。 食左鵝肝、和牛、乳豬飯、芝士、雪糕同牛柳粒，都幾好食。 家姐就淨係食左杯雪糕，妹妹就食左少少芝士，志在參與啦！

蘋果  iOS 5 準時在香港時間零晨一時提供下戴，第一時間將我的  iPhone 4  更新到 iOS 5  了。 由開始到完成，足足用了一個小時。

兩點有多來到大榮華酒樓，等左十五分鐘就有位，真係好彩啦！ 大榮華酒樓真的不錯，味道很好，價錢又合理，抵食呀！ 最好食的馬拉糕和榮華臘腸卷。 好好食的元朗小籠飽和煎蝦餅。 很一般的牛柏葉和鳯爪。 超好食的麥米粥和好抵食的雙丸米線（有牛丸又有魚蛋，勁飽肚）。

今日帶家姐同妹妹去元朗 Studio 123 影相，約十一點半到達。首先，睇相簿揀造型，今次主要係同妹妹影相，因為家姐細個時已經影左，都係 Studio 123 ，不過係黃埔個間。最後，揀左天使、魔鬼、牛牛、沖涼同家庭照（家姐同妹妹一齊影），總共有五個造型。 影到一點鐘有多，終於影好啦！睇完相，總共有 137 張相，淨買 38 張相就要 $488，全部相就 $788，所要就買曬全部相啦，可以返屋企慢慢睇同慢慢揀。 等妹妹飲完奶，兩點鐘離開，行去「 大榮華酒樓 」飲茶。

曉凝今日病左，七點鐘起身嘔，嘔左一堆提子。跟住就開始肚仔痛，十點鐘又嘔，今次嘔左一堆提子皮。 即刻落樓下睇醫生，醫生話係作腸胃炎，開左止嘔、肚痛同發燒藥，唔好飲奶，唔好食多油的食物。返屋企食左藥，曉凝都係肚仔痛。曉凝今次真係病到好唔舒服啦，竟然會自動自覺上床瞓覺同休息。 一點鐘，曉凝無肚仔痛啦，本來諗住出去同婆婆慶祝生日，就係巴士站等巴士期間，再嘔多一次，嘔左之前飲的一大杯葡萄糖水。唯有急急腳返屋企再休息，今晚先同婆婆食晚飯啦。

今日重陽節，曉凝同曉璇第一次去 科學館 。首先，上去三樓展廳，玩兒童天地，只限5歲以下小童。有好多大積木，家姐好鐘意玩呢！ 係兒童天地足足玩左一個鐘頭，妹妹都係時候要飲奶，曉媽就同家姐去其他地方玩。等妹妹食飽，就落地下展廳搵返家姐。 鏡子世界好得意又好玩。 玩多一陣，本來想去 K11 食飯，點知路經 Charlie Brown Cafe ，家姐話鍾意食，就上去食意粉同薄餅啦。 妹妹第一次BB櫈，坐得好定好乖。

曉爸上星期看了牙醫，曉媽昨天也看了牙醫，真的要好好保護牙齒啊！ 於是，便上網到處搜尋有關電動牙刷的資料，在討論區爬了很多文章，很多網友都推薦「 飛利浦 Philips 」的電動牙刷，是各牌子中最有效清潔牙齒的。 今天十月一日，許多地方也有優惠，便決定買一支電動牙刷回家使用。在「 青衣城 」的「 百老匯 」選購了可以護理牙齦的「 FlexCare+ 充電式聲波震動牙刷 」，優惠裝多送兩個牙刷刷頭，再加送可愛毛公仔一個，還有 $100 商場現金劵。 這支 Sonicare FlexCare+ 頂級電動牙刷雖然有點貴，但有5 種震動模式：清潔 Clean、敏感 Sensitive、清爽 Refresh、按摩 Massage及牙齦護理 Gum Care，就是看中這個「牙齦護理」功能，希望可以改善口腔的健康，預防牙週病。 聲波震動牙刷、2 個刷頭（一大一小）、1 個旅行用硬盒。 UV 刷頭殺菌器連充電器、旅行充電器（很小也很放便攜帶）。 額外刷頭色環（左下角）、說明書、保證書（2 年保固）等。 第一次充電要 24 小時。 完全充電可刷牙約 42 次（每次 2 分鐘），可用約 3 星期。