文章

顯示從 5月, 2010 起發佈的文章

窮人 Mac OS

圖片
無錢買真的 iMac,唯有用 VMWare Workstation 裝左個 Mac OS 來玩下,不過我部電腦唔夠快,所以個 Mac OS 速度真係好慢,按一個掣都要等幾秒先有反應。對 Mac OS 有興趣的話,不妨裝一個來玩下。

冷氣機漏水

房入面個部窗口式分體冷氣機已經用左五年,今個星期開始漏水,重要漏入屋裏面,好麻煩呢! 前兩日自己開左部機來通喉,用支飲管吹左幾下,清左少少汚積,跟左兩晚都無滴水啦。 以為自己咁勁整好左啦,點知琴晚又開始漏水,重要不停咁漏,越漏越多添! 今日終於搵左冷氣師傅上來通喉同洗冷氣,因為係分體式冷氣機原故,所以唔可以拆落來清洗。咁即係要係房入面洗啦,咁會唔會成間房濕晒架?師傅話唔會,唯有信佢啦。師傅首先係房入面鋪一張大帆布防水,又係冷氣機下面掛個大長方型盤裝水,冷氣機周圍再包帆布,都幾安全。 師傅通喉都好犀利,首先,用條軟管駁住條冷氣機去水位,跟住飲啖水,好大力咁噴水落去,就通左條喉啦!重係條去水喉入面清走左一大條垃圾。之後,再用一支霧化水槍連藥水去洗部冷氣機,足足搞左一個鐘頭,洗得好乾淨,又無整濕其他地方,賣單合共五百蚊。 希望部冷氣機可以再用多五年啦!哈哈!