印腳板
今個星期有三份功課，全部都係油顏色，不過，其中有一份係要畫自己腳板，曉凝自己揀左油顏色落自己腳板底，再印落去工作紙，到底用支筆油腳板底痕唔痕呢？答案係，曉凝話唔痕喎，哈哈！ 左腳油左黃色，右腳就油左橙色。
文章
食雲吞
話說凝媽贏左二十包CP雲吞，今日即刻煮左一包試下，配多個麵，就變成一碗雲吞麵啦。 每粒雲吞都有一大隻蝦，都算足料。 壽桃牌麵，個湯幾好味，真係幾好食架。 曉凝未食過雲吞，就話唔食雲吞，又唔肯試下，無辦法，今餐唯有食齋麵啦。
國慶日
今日係建國六十年的國慶日，落街食早餐就返屋企睇電視現場直播的國慶閱兵，跟住就帶曉凝去瑞華行開倉買玩具，結果淨係買左一塊$10的喜羊羊砌圖。 等曉凝四點鐘瞓醒覺，就入去迪士尼玩啦。 玩左一陣，曉凝就話要走，想返屋企食飯，咁唯有食左飯再玩啦。食左「木乃伊蛋包飯」、「陰陽鬼爪拉麵」同朱古力慕絲甜品，隻南瓜頭杯重可以攞返屋企架。 食完飯剛好七點，搵個靚位睇巡遊，睇完巡遊就返屋企啦。