生活小小日記

凝女每日都會係屋企一邊睇「歌舞青春」一邊唱歌同跳舞，好開心！就係咁，今日就請左半日假，帶凝女去迪士尼睇現場版啦！ 一到迪士尼，凝女就話要去睇「歌舞青春」，重要即刻去霸位，當時只係兩點半，「歌舞青春」要五點先開始，唯有拖凝女去玩「茄花杯」同「小飛象」先啦。 點知，三點九又經過城堡，凝女今次就坐係地下唔走，話要等「歌舞青春」，你睇下幅相，得凝女一個人坐係度。別無他法，唯有抱住凝女去左舖頭度睇玩具同糖，引開凝女的注意力。 真係四點半就準時返左去城堡度霸位啦！凝女係早過工作人員到達城堡架！重要等半個鐘，真係有排等呀！ 好彩！係「歌舞青春」開始之前，有個CM姐姐走來同凝女玩包剪揼，又送貼紙。之後，再有兩個CM哥哥走來同凝女玩，不過，凝女就好怕羞，自己係度玩手指，唔敢望人。CM哥哥好好人，送左一張星級貴賓證書給凝女，又有個紙相架、月曆咭同貼紙，真係意想不到的收獲呀！ 最後，五點鐘，「歌舞青春」終於開始啦！

今日帶凝女去沙灘玩，邊度有沙灘呢？原來馬灣就有沙灘啦！係青衣城搭$9黃巴士就去到，重快過去迪士尼呀！ 你睇！玩得幾開心，凝女係第一次去沙灘呀！ 重玩到唔拾得走呢！原來戶外活動都好好玩架！

今日係復活節假期開始，凝女又話想睇「Go! Go! Go!」（即係 歌舞青春 ），就帶凝女去迪士尼玩下啦！食左早餐，準時十點半到達迪士尼樂園，開始今日的奇妙之旅。 第一時間，走去玩「巴斯光年」同「小飛象」，因為都係凝女最鐘意的機動遊戲。 「Go! Go! Go! 歌舞青春」，十二點鐘第一場，一點半第二場，五點鐘第三場，凝女話要睇足三場，好啦！都真係幾好睇架！凝女已經開始識背歌詞同舞步啦！ 一連睇左兩場，又睇左米奇老鼠大屋，都兩點幾啦，就帶凝女去食佢最鐘意的饅頭，凝女自己食晒三個饅頭，飽呀！ 好耐無玩的「茄花杯」（即係 咖啡杯 ），凝女突然話想玩，重玩得好開心添！結果，今日玩左兩次，隻杯一路轉，佢就一路係咁笑，真係好開心呀！ 今日復活節，樂園裏面有小遊戲玩，凝女玩左運復活蛋同畫復活蛋。 睇完第三場「Go! Go! Go 歌舞青春」，凝女好依依不拾咁同野貓隊隊員講再見啦！ 最後，帶左凝女去畫米妮老鼠，凝女都幾投入，有跟住畫，不過就淨係識畫圓圈同直線。跟住有個姐姐走過來幫凝女一齊畫，畫完都七點啦！要走啦，完成左今日的奇妙之旅啦！ 點知，去到門口，做左個問卷調查，重有野送，係兩個小襟章同兩塊磁石月曆，幾靚架！抵呀！