生活小小日記

凝女三月至生日，今日咁快就收到生日禮物啦！ 係大舅父送的玉桂狗廚房，開爐和熄爐，玉桂狗都會講說話，好得意！ 有牛扒、紅蘿蔔、多士、兩隻細碟、一隻大碟、兩條匙、一樽鹽、一把餐刀、一個鑊鏟和一隻平底鑊。 為了配合新廚房，凝媽又送給凝女一套餐具連茶壼，食飽飯就可以飲杯茶，完美啊!

祝大家身體健康，心想事成，萬事勝意，步步高陞，學業進步，大展鴻圖，一本萬利，大吉大利，出入平安，恭喜發財！恭喜！恭喜！

凝女今日好開心呀！收到舅父仔同舅母仔從日本帶回來的手信，是全城最受小朋友歡迎的波兒呀！波兒，波兒，波兒，肚子脹卜卜．．． 波兒正面。好可愛啊！ 波兒側面。好可愛啊！ 波兒個肚。好可愛啊！

今晚去左瑞華行開倉，除左幾件指明特平的玩具外，其他貨品普遍比市價貴，開倉和平價並非等號。最後，買左一個吉蒂貓咪44蚊，跟住就去免費區加多15蚊換左個「光之美少女」變身器，合共59蚊。 吉蒂貓咪，第一個掣係播音樂，第二個掣會「沙」一聲，第三個掣會「必」一聲，凝女最鐘意用個咪來扮老師講野同唱歌。 變身器，會講日文，不過就成日講「波波」，重有音樂添。

凝女今朝飲左奶，就再瞓多陣。瞓左一陣，點知就開始咳啦，重咳得好勢利，咳到嘔奶，成張床，重有張被同枕頭全部都汚糟晒，要即刻洗。好彩，凝女就無咩事，亦無唔舒服。希望凝女的咳咳快些好番，過新年有好多「正」野食架！

籌備已久，萬衆期待，Wii行貨終於發售啦！ 當然，第一時間衝到黃金商場買機，阿姐開價$2020，不過，現金就可以平多$20。 好呀！馬上成交，一手交錢，一手交貨，帶著Wii回家了。 盒面有個紅色圓形貼紙，保用一年。 就是這個鐳射貼紙，原裝行貨。 行貨的220V火牛連三腳插頭。 全中文說明書。 主機介面是日文的，遊戲也是要玩日版的，所有Wii頻道也是連到日本伺服器，這真是一部「原裝行貨」的日本機。

今天，是屋苑一年一度的嘉年華會，凝女當然要參加，不過，第一件事就是吃，凝女馬上拿著小啫喱在吃，玩攤位遊戲是其次。 吃了啫喱，還有棉花糖和粟米。 吃飽飽才開始周圍玩。 在幼童天地和表姐一起玩飛行棋和跳飛機。 捉著凝女的手玩射槍，贏了一個 Keroro 吹波波。