生活小小日記

2008年5月1日（星期四），去 迪士尼樂園 玩，希望 天文台 話唔會落雨啦。

原本電腦裏面個硬碟經常有問題，部電腦成日無端端無反應，再加上，為了可以暢順地播「歌舞青春」片，就買左一個新的 Western Digital 250GB硬碟（WD2500YS），黃金售$440。 本來一心去黃金淨係買個硬碟就算架啦，點知格價中途又見到 Kingston 記憶體好平，DDR-2 667 1GB都係$140一條，咁就買左兩條啦。 砌左一晚，終於裝好啦。現在，總共有三個碟碟（30GB + 160GB + 250GB）和3GB記憶體。除了播片比以往順暢外，效能上沒什麼分別。

話說，今日同凝女去左沙田食午飯，重去左史諾比度坐船和排隊要扭扭氣球，足足排左成三個字，凝女要左一個黃色狗狗氣球（如圖），好得意，凝女好開心咁攞住氣球影相。 夜晚，我見個狗狗氣球個狗頭歪左，好心細細力咁幫個氣球扭番好個頭同身，點知，就咁就爆左啦！ 整爛左凝女個扭扭氣球，凝女都無咩唔開心，不過我就好內咎呢。

今天，帶凝女到迪士尼樂園遊玩，十時十五分出發，行到半路才發現沒有帶睡覺奶嘴，幸好還沒到地鐵站，馬上叫姐姐拿奶嘴來，浪廢了少許時間，最後，十一時三十分才到達樂園。 一進樂園，凝女當然是到「市鎮會堂」拿貼紙，今次拿到了白雪公主和灰姑娘的貼紙，好野。 玩了一次「灰姑娘旋轉木馬」，便趕到城堡看十二時正的「 歌舞青春 」，看完便到「Kid Zone」畫畫，完成後，可以拿到一個地球日襟章。 今天，「小小世界」進行測試，便和凝女試玩了一次，很好玩，好大，足足玩左成十分鐘。 凝女在城堡附近遇到幾位公主，重同公主影相添，不過，凝女就聽唔明公主講乜野，因為公主係講英文架，凝女真係要學好英文啦。 今日，凝女玩左兩個新的機動遊戲，就係「小飛象旋轉世界」和「小小世界」，但最愛玩的還是「私家杯」。除了機動遊戲外，還看了三次「 歌舞青春 」和巡遊表演。晚上，看完煙花才回家，總算是玩個夠了。

今日凝媽幫凝女剪左頭髮，變得更短，咁就唔駛成日篤到眼仔，出曬汗都唔駛怕頭痕，呢個夏天好清爽呀！ 間條衫除左著之外，重可以包頭架，搞笑話！

凝女上星期發燒留鼻水，之後又有咳，近日有啖，總共睇左三次醫生啦，依家重食緊藥。成個人好炆憎，無咩精神，會發小姐脾氣。不過，就好早瞓，自動自覺九點鐘叫飲奶（平時係九點半飲奶），飲完奶又自己走上床瞓覺（平時係要玩一陣再唱兒歌先瞓）。凝女早睡是好，可是，凝女也早起床，剛好和我的遲睡遲起相反。晚上，我多了時間上網，早上，我卻少了時間睡覺。

好快又到夏天，天氣好熱，想幫凝女買夏天衫。 前天，在太古城經過 UNI QLO ，為凝女買了四件短袖衫，其中有三件都是間條花紋，只有一件是蘋果仔圖案，好靚呀（間條似我呢）！ 95cm短袖衫要$39一件，短袖衫連長褲就$59一套。 凝女著新衫飲橙汁，好清涼呀！

今天是愚人節，也是DHL送貨的日子。DHL果然專業，沒有把我當作愚人，在相約的七時三十分準時送到。一大兩細，總共有三個紙盒。 好！開箱吧！第一盒是電源線，第二盒是喇叭「聲霸AS501」，最大盒的當然是顯示器。 首先，拿出金屬底座，可調整傾斜度。中間的洞是纜線管理。 再把面板拿出來與底座結合，好穩固。最大解析度為 1680 x 1050。 右下角有幾顆簡單的按鈕，可直接選輸入端子（HDMI、DVI-D、VGA），調光暗。 正面。 背面。 正面下方有個DELL招牌。 背面上方有個更大的DELL招牌，還要是閃閃的銀色。那麼大個，怕別人不知道你買了DELL的產品？ 輸入和輸出介面方面，由左至右分別是音源電源、音源輸出、HDMI端子、數位視訊介面（DVI－D）含HDCP和VGA端子。 最後是配件，有電源線、DVI線、VGA線、USB線和光碟。 初步測試，顯示器沒有光點和死點，「Lucky」。不過，原廠設定的光度太強，要調暗一些，比較舒服。