生活小小日記

凝媽見凝B對食生果咁有興趣，所以今日就買左呢包「士多啤利、蘋果、橙」俾凝B玩。順便可以教凝B發音、認生果、煮飯仔同掟香蕉，好多玩法。 有梨、提子、檸檬、蘋果、橙。 另一面有菠蘿、香蕉、士多啤利、蕃茄。

凝B今日又去翔天廊，吃喝玩樂 。 凝B必食推介：潮樓下午茶，全部半價，好多人等位，要兩點前排隊。

凝B想打電話俾邊個呢？你重係講緊凝星話，好難明呢。 凝星話一般會將單音拉長來讀，也會提高聲調，地球人很難學習和掌握。 以下有常用凝星話與地球話對照表： 梯 ... 姊 ... （提子） P ... 渣 ... （Pizza） 旱 ... Done ... （紅燈） 格格（公公） 教 ... 付 ... （舅父） 驢 ... （麥當勞） 高 ... （蛋糕或雪糕）

今晚約了一班好朋友到太子鳳城酒樓吃晚飯，決定帶凝B出去見見一班世叔伯同姨姨。凝B出發前好開心，扮靚靚以為有街街去。 可惜，一到酒樓，見到世叔伯同姨姨就怕醜，成個人攬實我，好驚好驚，凝B真係好細膽呀！唔知今晚會唔會嚇到發惡夢呢？不過，「怕生保」都有一個好處，就係凝B一定唔會跟陌生人走。

今日端午節，沒有帶凝B去游龍舟水，因為凝B依然腸胃未清，還是要小心身體啊！只到了青衣城的冒險樂園走了幾圈，也在玩具反斗城玩了一會兒。 在玩具反斗城，凝B主動向一名年紀相若的中國藉小朋友揮手，當時對方身穿粉紅色米奇老鼠短袖T恤，粉紅色短褲仔，凝B側身穿橫間修腰全身裙。不知為何，反而把小朋友嚇驚，即刻望住爸媽求救。那小朋友大概想說：「三唔識七，那個著裙的男孩子為什麼和我揮手呀！」 得不到回應，凝B唯有繼續欣賞自己喜愛但係又得唔到手的玩具。

凝B今日發燒，前日臭臭左三次，昨日臭臭左一次，今日就臭臭左兩次，全部是爛屎，醫生說是腸胃炎，也導至發燒。 凝B成個人悶悶不樂，飲奶又無胃口。

夏日炎炎， 最好就係玩水啦。所以，凝媽就送給凝 B 這個寶物，一面沖涼，一面玩水，渡過酷熱的炎夏。 Elmo 在潛水艇上的英姿，好師呀！ 前面，有左搖右擺潛望鏡。 後面，有螺旋漿（也是上鍊掣）。 下水禮，Elmo：「點解個池咁細架？」凝 B：「瞓醒覺，聽日就帶你去旺角大池玩。」

凝 B 呢個姿勢，眼望前方，好有遠見同抱負。 史奴比校巴，今日酷熱天氣警告下，呢個車箱就好似蒸籠一樣咁熱，所以無帶凝 B 入去玩。 凝 B 指定動作，驀然回首。 史奴比遊船河，有成班史奴比朋友，凝 B 都玩左呢個遊船河，唔夠三分鐘就玩完。