生活小小日記

為食凝B又有新零食，有 babynat 餅，又有 和光堂 小饅頭同餅乾，都係S姨姨同P叔叔送的。 凝B雖然有七隻牙仔，但係唔識用牙咬開塊餅呢食，只係識成塊餅擺入口，重要有幾多擺幾多，好蠢呀！

彈蛋糕，好特別的一個名字，每天經過美心餅店，終會停下腳步，看看這個蛋糕的包裝樣子，想想它的味道是否真的和包裝所寫一樣「什麼日本之味」呢。 終於，今天買了一個回家品嚐。蛋糕顏色鮮艷，包裝精美，上面有一小盒雲呢拿醬，大小剛好可以分六等份（哈！看生果的數目便知道了）。 蛋糕中間有一個紙筒，所以這個蛋糕的份量是比想像小的。切蛋糕的方法也很特別，首先要拿走中間的紙筒，再撒開外層的包裝紙杯，才可以動手切蛋糕。 芒果和士多啤梨好新鮮，不過很酸。因為蛋糕本身是一個特大而普通的齋紙包蛋糕，加了雲呢拿醬會更加好味。 總結，彈蛋糕其實是一個紙包蛋糕，$98 的價錢真的偏貴，也不值得。

今日幫凝B影相，影影下，點解咁矇，對焦唔清，又無摩打聲，按掣又無反應。支鏡無端端就壞左啦，用左都唔夠五個月，好唔開心呀！ 呢幅相就係支鏡最後對焦影到的，跟住就咁「神」左啦。 搵日重要請假去太古城的 藝康維修中心 修理，好遠呀！ 把對焦尺直頭唔識轉。 藝康香港有限公司 地址：香港太古城英皇道 1111 號太古城中心一座 10 字樓 1001 室 （地鐵太古站E1出口，升降機大堂設於6樓） 傳真：2907 0378　電話：2907 1122 辦公時間: 星期一至五　　　　：　上午九時至下午七時 星期六　　　　　　：　上午九時至下午一時 星期日及公眾假期　：　休息

意粉屋 有個 下午茶套餐 - 湯天使麵系列，好好食，又飽肚，我食過咁多次都依然覺得咁好味呀！ 湯天使麵系列總共有三款選擇，吉列豬扒、煎薄牛扒、香草雞扒天使麵。今日，我地食左牛扒和雞扒，兩款個湯都好好飲。價錢方面，第二個茶餐重有會員尊享半價優惠，抵呀。 香草蕃茄牛肉碎湯和天使麵。 鮮白菌忌廉湯和天使麵。 香草雞扒，雞扒比較細塊，不過都有三件（剛好等於平時快餐店的一件）。 煎薄牛扒，有兩大塊。

凝B依家識行，重經常係屋企行來行去，好少坐定定玩啦。 呢隻超懷舊 手拖木鴨仔 ( Eichhorn )，就最適合凝B一路行一路拖住走，會發出答答聲。

今日凝B第一次到九龍公園，可惜，公園裏面實在太多人，都無地方可以俾凝B走動，又好難搵靚位影相，所以行左一陣就走啦。 今日真係好熱，凝B塊面曬到好紅呀。 北京奧運會倒計時器對開有靚靚的花圃。 離開九龍公園時，在門口收到一張傳單，原來在西九龍海濱長廊有個什麼康文署嘉年華會，還有旅遊巴接送來回，都幾好呀，二話不說，便帶凝B上車。西九龍海濱長廊就在西隧口傍邊，嘉年華會上有幾個攤位遊戲、吹氣滑梯、小丑、繪畫、租單車等，也可玩上一兩個小時。 吹氣滑梯、沙池，都係好少人玩。 行了一圈，凝B拿了一個自製的風車和小丑做的花形氣球。嘉年華會的攤位和遊戲不多，地點其實有點偏僻，不過，我們剛好可以在九龍站乘地鐵回家。

今日路經 City Super ，買了一盒餅仔（ 森永 Morinaga ）給凝B，都幾香餅味，不過味道都係其次，最緊要係個封面吸引到凝B，有個BB女做封面架。

今日，帶左凝B去東涌，又去左 翔天廊 SkyPlaza 。不過到達東涌時，己是三時多，剛剛搭不到三時正開出的翔天廊免費穿梭巴士，唯有再多等半小時。 凝B很喜歡地上的噴水池，看得多麼入神啊。 翔天廊 有好多野食，我地就去左 FAMIGLIA 食薄餅，幾好食呀。重有 BURGER KING 、黃枝記、阿瑪港澳門餐廳、天下餃子、上海姥姥、板前壽司、千燒百味、潮樓等，應有盡有，好多選擇。 芝士薄餅一片。 除了食店外， 翔天廊 還有 4D影院 ，可惜要返屋企替凝B沖涼，沒時間觀看，五時正離開，回家去。

凝B又收到生日禮物，係「國產凌凌漆」武器之一，表面上係一部懷舊電話，具備一切電話功能，其實係一部車，前面有條繩，側邊有四個轆，可以拖住行。 左右車身，電話筒旁有條電話線，做得好似。 車頭有隻貓咪，好得意呀。