生活小小日記

今晚去了銅鑼灣的新羅寶飯堂吃飯慶祝, 竟然全店滿座, 好彩一早訂了位. 何解全店滿座? 無他, 大家都見張優惠卷就快到期(二月尾), 但只限星期一至四可以使用(今日就係二月尾最後一個星期四), 我都係為左用張優惠卷才來的. 不談優惠, 今晚的餸菜真的很豐富呀! 飯後還去了恭和堂吃烏龜o者喱下火及解毒.

今日行過 3和電 , 見到這部 $0 機價電話 C261 , 買機即送 $50 百佳現金卷, 只須預繳 $780, 每個月回贈 $20, 足足要回贈39期(三年零三個月)才真的變成零機價, 高超的騙人技量. 不過ROKR E1 又買唔到啦, 不如就買這部低檔電話頂住先啦, 可惜這部電話真的只有電話的功能, 這個價錢不要期望什麼了, 只要一年不壞就好好了.

今晚食完飯, 本來想去旺角永成買部新電話 ROKR E1 (永成價錢最平 $1380, 128MB T-Flash Card, 再加多一粒電 + 座充 + 保護貼 + 半透明軟保護套 + 皮保護套 + 啦叭), 我足足研究左成個月, 格價又格左成個月, 今晚終於下定決心要去買。 點知, 人算不如天算, 去到佢竟然話全線無貨, 明明昨晚還有貨的, 好明顯係回收啦, 寧願回收都唔肯賣一部俾我。 塞翁失馬, 焉知非福, 現在只好找第二款電話了, 又要重新再研究, 又要再格價了。 備註: Motorola ROKR E1 可儲存多達~50首歌曲，並內置了 iTunes® 軟件，即使人在途中，所有歌曲都盡在您的掌握之內。配合立體音色揚聲器，更可體驗無可媲美的聽覺享受。 (其實最重要係價錢平)